قاضی حسین احمدکمپلیکس

قاضی حسین احمدکمپلیکس سے متعدد ملازمین فارغ

پشاور(نیوزرپورٹر)قاضی حسین احمد میڈیکل کمپلیکس نوشہرہ کے بورڈ آف گورنر نے سیکرٹری بورڈ آف گورنر اور منیجر سپلائی چین منیجر کو ملازمت سے برخاست کردیا ہے.

اس سلسلے میں جاری ہونے والے الگ الگ اعلامیوں کے مطابق منیجر سپلائی چین محمداسحاق خان اور سیکرٹری ٹو بور ڈ آف گورنر منصور رحیم زاہد کو ایم ٹی آئی ایکٹ 2015 کے مندرجات کے تحت ملازمت سے برخاست کردیا گیا ہے اعلامیہ کے مطابق ہسپتال کے ترجمان میاںکستیر کاکا خیل کو سیکرٹری بی او جی کا اضافی چارج دیدیا گیاہے ۔

مزید پڑھیں:  بونیر، گاڑی کھائی میں گرنے سے 8افراد جاں بحق

ذرائع کے مطابق ہسپتال میں سابق بورڈ آف گورنر اور نوشہرہ کے مقامی سیاستدانوں کے درمیان بھرتی اور دیگر معاملات پر شدیداختلافات پیدا ہوگئے تھے جس کے باعث محکمہ صحت نے بورڈ کو تحلیل کرتے ہوئے نئے ممبران کی نامزدگی کردی تھی موجودہ بورڈ کے چیئر مین نے سابق دور میں بھرتی مذکورہ ملازمین کو گذشتہ روز ملازمت سے فارغ کردیا ہے۔

مزید پڑھیں:  لوئر دیر، ہیڈ کوارٹر تیمرگرہ تا خزانہ بائی پاس روڈ کھنڈرات میں تبدیل