ملائیشیا سے تعلق رکھنے والی ویمنز سکواش کی کھلاڑی شیوسنگاری سبرامنیم ایک کار حادثے میں شدید زخمی ہو گئی ہیں جس کے بعد وہ دولت مشترکہ کھیلوں میں شرکت نہیں کرینگی،
ایک رپورٹ کے مطابق عالمی نمبر 19 شیوسنگاری کی کار کو حادثہ اتوار کے روز پیش آیا 23 سالہ کھلاڑی جس کار میں سوار تھیں وہ بے قابو ہو کر دوسری گاڑی سے ٹکرانے کے بعد الٹ گئی ، چین کی ایک ویب سائٹ کے مطابق انہیں کار میں آگ لگنے سے قبل نکال لیا گیا اور ہسپتال منتقل کردیا گیا ہے جہاں ان کی سرجری بھی کی گئی ہے ڈاکٹروں کے مطابق شیوسنگاری اس وقت مکمل ہوش میں ہیں تاہم انہیں مکمل ٹھیک ہونے کیلئے وقت درکار ہے،
ہسپتال ذرائع کے مطابق ان کے جسم پر کافی چوٹیں آئی ہیں جبکہ ان کے ہاتھ پر بھی گہرے زخم آئے ہیں۔
