اسلام اباد : غربت کے خاتمے اورسماجی تحفظ کے بارے میں معاون خصوصی ثانیہ نشترکا آج اسلام آباد میں ایک نیوز کانفرنس کرتے ہوئے کہنا تھا کہ احساس ایمرجنسی کیش پروگرام کے تحت 57 لاکھ 50 ہزارخاندانوں میں 69 ارب روپےتقسیم کر لیئے گئے ہیں۔
انہو ں نے کہا کہ اس پروگرام کے تحت مستحق خاندانوں کو بارہ بارہ ہزار روپے کی مالی امداد دی جارہی ہے ،انہوں نے کہا کہ ان خاندانوں کو اعداد و شمار کی جانچ پڑتال کے بعد انتہائی شفاف انداز میں منتخب کیا گیا ہے
معاون خصوصی نے کہا کہ جنہیں انگوٹھے کی شناخت کا مسئلہ درپیش ہے ان کیلئے ایک متبادل طریقہ کار جلد متعارف کرایا جائے گا۔ انہوں نے کہاکہ مخیر حضرات کا مستحق خاندانوں سے رابطہ کرانے کیلئے راشن تقسیم کرنے کا پورٹل فعال کردیا گیا ہے۔