ہرجانے کا نوٹس

بنوں یونیورسٹی کے پروفیسرکوایک کروڑ ہرجانے کا نوٹس

لکی مروت(نمائندہ مشرق)یونیورسٹی آف لکی مروت کے رجسٹرار نے واٹس ایپ گروپوں میں وائس چانسلر اور رجسٹرار کے خلاف بے بنیاد الزامات پر مبنی مہم چلانے پر یونیورسٹی آف سائنس اینڈ ٹیکنالوجی بنوں کے پروفیسر ڈاکٹر امیر سدا خان کوقانونی نوٹس بھجوادیا،

یونیورسٹی کے لیگل ایڈوائزر حامد خان ایڈووکیٹ کی طرف سے بھجوائے گئے نوٹس میں کہا گیا ہے کہ پروفیسر میر سدا خان نے یونیورسٹی آف لکی مروت میں اپنی اور اپنی اہلیہ کی تقرری نہ ہونے پر وائس چانسلر اور رجسٹرار کے خلاف نفرت انگیز اور بیہودہ الزامات پرمبنی مہم چلائی۔

پروفیسر میر سدا خان سے کہا گیا ہے کہ سات دن کے اندر اندر اپنے الزامات کا ٹھوس ثبوت فراہم کریں وہ معافی مانگیں اور ایک کروڑ روپے ہرجانہ ادا کریں بصورت دیگر ان کے خلاف قانونی چارہ جوئی کی جائے گی۔

مزید دیکھیں :   پولیو ورکز ہمت اورعزم کی اعلیٰ مثال