پاکستان 2009 اور 2014 کے درمیان سری لنکا میں لگاتار تین ٹیسٹ سیریز ہار چکا تھا، اور 2015 کی تین میچوں کی سیریز کو کمار سنگاکارا اور رنگنا ہیراتھ میں عالمی معیار کے کرکٹرز کے ساتھ ٹیم کی صلاحیت کو جانچنے کے لیے سمجھا جاتا تھا۔
تین ہفتوں کے عرصے میں، پاکستان نے ایک نوجوان لیگ سپنر کی جادو بائولنگ کی وجہ سے پاکستان سیریز میں دو ایک سے کامیابی حاصل کی سری لنکا کا دورہ کرنے سے قبل یاسر شاہ نے صرف سا ٹیسٹ میچ ہی کھیلے تھے۔
یاسر شاہ نے گال میں پہلے ٹیسٹ سے ہی اپنی موجودگی کا احساس دلایا جب انہوں نے دوسری اننگز میں 76 رنز کے عوض سات سری لنکن بیٹرز کو پویلین کی راہ دکھائی ، جس سے ان کی ٹیم کو 10 وکٹوں کی شاندار جیت میں مدد ملی۔
کولمبو کے پی. سارہ اوول میں اگلے ٹیسٹ میں، یاسر نے میزبان ٹیم کے سیریز برابر کرنے سے پہلے پہلی اننگز میں چھ وکٹیں حاصل کیں۔ تاہم، ذاتی طور پر، یہ ان کے لیے ایک خاص ٹیسٹ میچ تھا کیونکہ اس میچ میں انہوں نے کوچ وقار یونس کو پیچھے چھوڑ کر تیز ترین 50 ٹیسٹ وکٹیں لینے والے پاکستانی باؤلر بن گئے۔
سیریز ایک ایک سے برابر ہونے کے بعد سب سے اہم پالیکیلے ٹیسٹ میں، یاسر نے ایک بار پھر پانچ وکٹیں اننگز میں حاصل کیں ، جس نے سری لنکن ٹیم کو ایک بار پھر تباہی سے دوچار کیا اور میزبان ٹیم 278 رنز پر آل آؤٹ ہو گئی۔لنکا کے ساحلوں پر یاسر شاہ کی غیر معمولی بائولنگ نے انہیں 24 وکٹیں لینے پر سیریز کے بہترین کھلاڑی کا ایوارڈ دیا –
2014 میں اپنے بین الاقوامی ڈیبیو کے بعد سے ہر کپتان کی یہ خواہش رہی کہ یاسر شاہ اس کی ٹیم کا حصہ ہوں ۔اس کی وجہ یہ تھی کہ یاسر شاہ نے ٹیسٹ کرکٹر میں صرف 33 ٹیسٹ میچ کھیل کر وکٹوں کی ڈبل سنچری سکور کر لی تھی اور یہی ان کی افادیت بھی مانی جاتی تھی۔
یاسر شاہ نے اپنا آخری ٹیسٹ میچ اگست 2021 میں ویسٹ انڈیز کیخلاف کھیلا تھا جس کے بعد وہ انگوٹھے کی انجری کا شکار ہوئے قومی سکواڈ سے باہر رہے مکمل فٹ ہونے کے بعد واپس آتے ہی انہوں نے بلوچستان کی ٹیم کو پہلی مرتبہ پاکستان کپ کا ٹائٹل جتوایا اور اسی بنیاد پر انہیں دوبارہ دورہ سری لنکا کیلئے ٹیم میں شامل کیا گیا۔
یہ وہی سری لنکا ہے جہاں انہوں نے اپنے کیریئر کی تیزی ترین پچاس وکٹیں مکمل کیں جو ان کیلئے ایک تاریخی لمحہ تھا، بابر اعظم بھی گزشتہ کپتانوں کی طرح سری لنکا کیخلاف سیریز میں کامیابی کیلئے یاسر شاہ سے ہی امیدیں باندھیں گے اور یاسر شاہ اس چیلنج کیلئے تیار نظر آرہے ہیں۔
سری لنکا میں پاکستان کے پہلے تربیتی سیشن کے اختتام پر پی سی بی ڈیجیٹل سے بات کرتے ہوئے یاسر نے کہا، ’’لیگ اسپنر ہونا مشکل ہے کیونکہ ردھم میں آنے میں وقت لگ سکتا ہے۔ انگوٹھے کے فریکچر کی وجہ سے مجھے انٹرنیشنل کرکٹ سے بریک لینا پڑا۔ میں نے پاکستان کپ میں کھیلا اور نیشنل ہائی پرفارمنس سنٹر میں ایک ماہ طویل کیمپ کیا۔ اس نے مجھے بین الاقوامی کرکٹ میں پھلنے پھولنے کے لیے درکار ردھم کو دوبارہ حاصل کرنے میں مدد کی اور جب میں نیٹ میں بولنگ کر رہا تھا تو میں اسے محسوس کر سکتا تھا۔
2015 کے بعد پاکستان کرکٹ ٹیم کا یہ پہلا دورہ سری لنکا ہے اور یاسر شاہ کی موجودگی یقینی طور پر میزبان ٹیم کو پریشان کرے گی
یاسرشاہ کا کہنا ہے کہ "میرے پاس سری لنکا اور اس مقام کے بارے میں بہت پیاری یادیں ہیں کیونکہ میں نے یہاں اپنی 50 ٹیسٹ وکٹیں مکمل کیں۔”
