پاکستان ویمنز کرکٹ ٹیم دورہ آئرلینڈ پر روانہ ہو گئی ہے، قومی کرکٹ ٹیم دورہ آئرلینڈ کے بعد برمنگھم میں ہونے والے کامن ویلتھ گیمز میں شرکت کریگی، قومی کرکٹرز اسلام آباد سے پیر اور منگل کی درمیانی شب روانہ ہوئیں، دورہ آئرلینڈ اور کامن ویلتھ گیمز پر جانے والی کرکٹرز میں بسمہ معروف (کپتان)، ایمن انور، عالیہ ریاض، انعم امین، عائشہ نسیم، ڈیانا بیگ، فاطمہ ثناء، گل فیروزہ (وکٹ کیپر)، ارم جاوید، کائنات امتیاز، منیبہ علی صدیقی (وکٹ کیپر)، ندا ڈار، عمائمہ سہیل ، سعدیہ اقبال اور طوبہٰ حسن شامل ہیں۔
Pakistan women's team departs for Belfast for the tri-series in Ireland ? #BackOurGirls pic.twitter.com/O6jVprFrPc
— Pakistan Cricket (@TheRealPCB) July 12, 2022
پاکستان ویمنز ٹیم سہ فریقی سیریز میں اپنا پہلا میچ 16 جولائی کو آسٹریلیا کے خلاف کھیلے گی۔ سیریز کے دوران پاکستان، آسٹریلیا اور آئرلینڈ کی ویمنز ٹیمیں دو دو مرتبہ مدمقابل آئیں گی۔ سیریز مکمل کرنے کے بعد قومی خواتین اسکواڈ برمنگھم روانہ ہوگا جہاں وہ اپنا پہلا میچ 29 جولائی کو بارباڈوس کے خلاف کھیلے گا۔ ایونٹ کے پول اے میں پاکستان کے علاوہ بارباڈوس اور بھارت کی ٹیمیں شامل ہیں۔
پاکستان کے میچز:
بیلفاسٹ میں سہ فریقی سیریز
16 جولائی – بمقابلہ آسٹریلیا
19 جولائی – بمقابلہ آئرلینڈ
23 جولائی – بمقابلہ آسٹریلیا
24 جولائی – بمقابلہ آئرلینڈ
29 جولائی – بمقابلہ بارباڈوس
31 جولائی – بمقابلہ بھارت
3 اگست – بمقابلہ آسٹریلیا
