ایما لیمب کی پہلی بین الاقوامی سنچری کی بدولت انگلینڈکی ویمنز کرکٹ ٹیم نے نارتھمپٹن میں پہلے ایک روزہ بین الاقوامی میچ میں جنوبی افریقہ کو پانچ وکٹوں سے شکست دی۔لیمب نے اپنے تیسرے ون ڈے میں صرف 91 گیندوں پر اپنی سنچری مکمل کی ۔انہوں نے 31 گیندوں پر 55 رنز بنانے والے نیٹ سکیور کے ساتھ تیسری وکٹ کے لیے 89 رنز جوڑے۔انگلینڈ کی ٹیم نے پہلے ون ڈے میچ میں شاندار کارکردگی کا مظاہرہ کیا اور مہمان ٹیم کو 48 اوورز میں 218 رنز پر پویلین بھیج دیا اور جیت کیلئے 219 رنز کے تعاقب میں انتہائی پراعتماد انداز سے بیٹنگ کی اور جنوبی افریقہ کی بائولرز کو کوئی ایسا موقع فراہم نہیں کیا جس سے وہ دبائو ڈال سکیں
جنوبی افریقہ کی اوپنر لورا وولوارڈٹ نے 43 رنز بنائے اس سے پہلے کہ چلو ٹریون نے 73 گیندوں پر تین چھکوں سمیت شاندار 88 رنز کی اننگز کھیلی اور ایسا لگ رہا تھا جیسے وہ اپنی ٹیم کو ایک معقول ٹوٹل تک لے جائیں گی۔لیکن جیسے ہی ان کی وکٹ گری اس کے بعد جنوبی افریقہ کی بیٹنگ لائن کی پانچ وکٹیں صرف تیرہ رنز کے اضافے سے سولہ گیندوں کے اندر گر گئیں۔کیتھرین برنٹ جو اس سیزن میں پہلی مرتبہ کھیل رہی تھیں نے اٹھارہ رنز دیکر تین وکٹیں لیں جبکہ نیٹ سکیور نے 59 رنز دیکر چار شکار کئے، یہ ان کی ون ڈے میچوں میں اب تک کی سب سے بہترین بائولنگ کارکردگی بھی ہے۔
