کامن ویلتھ گیمز،

کامن ویلتھ گیمز، کرکٹ میچ میں آسڑیلیا کی ویمنز ٹیم نے بھارت کو شکست دیدی

کامن ویلتھ گیمز کے کرکٹ ایونٹ کے میچ میں آسڑیلیا کی ویمنز ٹیم نے جیت کے ساتھ آغاز کرتے ہوئے بھارت کی ٹیم کو تین وکٹوں سے شکست دیدی،

برمنگھم میں کھیلے گئے میچ کا ٹاس بھارت نے جیت کر پہلے خود بیٹنگ کرنے کا فیصلہ کیا اور مقررہ بیس اوورز میں آٹھ وکٹوں کے نقصان پر 154 رنز بنائے،

بھارت کی جانب سے ہرمن پریت کور نے 52 جبکہ شفالی شرما نے 48 رنز بنائے، آسڑیلیا کی جانب سے جیس جوناسین نے چار، میگان نے دو جبکہ ڈریسی برائون نے ایک وکٹ حاصل کی، جواب میں آسڑیلیا کی ٹیم نے مطلوبہ ہدف 19 اوورز میں سات وکٹوں کے نقصان پر حاصل کرتے ہوئے میچ تین وکٹوں کے فرق سے جیت لیا،

آسڑیلیا کی جانب سے ایشلے گارڈن نے 52 رنز کی ناقابل شکست اننگز کھیلی جبکہ گریس ہیرس نے 37 رنز بنائے، بھارت کی جانب سے رینوکا سنگھ نے چار، دپتی شرما نے دو جبکہ میگنا سنگھ نے ایک وکٹ حاصل کی۔

مزید دیکھیں :   فیفا ورلڈ کپ، امریکا ایران کو شکست دیکر کوارٹر فائنل میں پہنچ گیا