حکومت نے پٹرول کی قیمت میں 3روپے 5 پیسے کمی اور ڈیزل کی قیمت میں 8 روپے 95 اضافے کا اضافہ کردیا،نوٹی فکیشن جاری
ویب ڈیسک:وزارت خزانہ کی جانب سے جاری اعلامیے میں بتایا گیا ہے کہ آئندہ پندرہ روز کے لیے پیٹرولیم مصنوعات کی قیمتوں کا تعین کردیا گیا ہے نئی قیمتوں کا اطلاق 31 جولائی کی رات بارہ بجے سے ہوگا۔
وزارت خزانہ کے مطابق آئندہ پندرہ روز کے لیے پیٹرول تین روپے پانچ پیسے فی لیٹر سستا، لائٹ ڈیزل 12 پیسے فی لیٹر سستا کردیا گیا ہے۔
جبکہ دوسری طرف حکومت نے ہائی اسپیڈ ڈیزل کی قیمت میں 8 روپے 95 پیسے فی لیٹر اور مٹی کے تیل کی قیمت میں4 روپے 62پیسے فی لیٹر اضافے کا اعلان کردیا۔
پیٹرولیم مصنوعات کی نئی قیمتیں
تین روپے پانچ پیسے کی کمی کے بعد فی لیٹر پیٹرول کی قیمت 227 روپے 19 پیسے جبکہ لائٹ ڈیزل کی قیمت 12 پیسے کمی کے بعد 191 روپے 32 پیسے پر پہنچ گئی۔
دوسری جانب 8 روپے 95 پیسے کے اضافے کے بعد ہائی اسپیڈ ڈیزل کی قیمت 244 روپے 95 پیسے ہو گئی جبکہ مٹی کے تیل کی قیمت 4 روپے 62پیسے کے اضافے کے ساتھ 201 روپے 7 پیسے ہوگئی
وزارت خزانہ کی جانب سے جاری اعلامیے کے مطابق پٹرولیم مصنوعات کی قیمتوں میں اضافے کا اطلاق 15 دنوں کے لیے ہو گا.
