حکومت کا بیرون ملک مقیم پاکستانی ماہرین صحت کے لئے’ ”یاران وطن” کے نام سے ویب سائٹ کا اجرا

اسلام آباد : حکومت نے بیرون ملک مقیم پاکستانی ماہرین صحت کے لئے''یاران وطن'' کے نام سے ایک ویب سائٹ کااجراء کیا ہے تاکہ انہیں کوروناوائرس کے خلاف قومی جنگ کاحصہ بنایاجاسکے۔

یہ بات صحت کے بارے میں وزیراعظم کے خصوصی معاون ڈاکٹرظفرمرزا نے جمعہ کی سہ پہر اسلام آباد میں ایک نیوز بریفنگ سے خطاب کرتے ہوئے کہی۔

انہوں نے کہاکہ ماہرین صحت ویب سائٹ www۰yaranewatan۰gov۰pk  پراپنا اندراج کراسکتے ہیں۔

انہوں نے کہاکہ یہ اقدام وزارت صحت اورسمندرپارپاکستانیوں اورانسانی وسائل کی وزارت نے صحت کی پاکستانی تنظیموں کے تعاون سے شروع کیاہے۔

معاون خصوصی نے کہاکہ اس ویب سائٹ سے بیرو ن ملک مقیم مختلف شعبوں سے وابستہ پاکستانی برادری کی صلاحیتوں سے بھرپوراستفادہ کرنے میں مدد ملے گی جن میں ڈاکٹرز، نرسز ، دواسازکمپنیاں اوران کاعملہ ،منتظمین، صحت عامہ کے ماہرین اوردیگرماہرین شامل ہیں جو پاکستان کے صحت کے شعبے کی ترقی میں مدد کریں گے۔

پورٹل کا ذکر وزیرآعظم عمران خان نے بھی اپنے ایک ٹویٹ میں کیا سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان کا کہنا تھا کہ ہم نے اپنے بیرون ملک ماہرین صحت کے لیے یاران وطن کا اقدام اٹھایا ہے،  ماہرین صحت پاکستان میں کورونا سے لڑنے میں ہماری مدد کرناچاہتے ہیں ،بیرون ملک ہمارے ماہرین صحت اپنی خدمات دینے کیلیے رجسٹریشن کراسکتے ہیں،

https://twitter.com/ImranKhanPTI/status/1253938286583779328?ref_src=twsrc%5Etfw%7Ctwcamp%5Etweetembed%7Ctwterm%5E1253938286583779328&ref_url=https%3A%2F%2Fbaaghitv.com%2Fberon-mumalik-mein-pakistani-mahreen-seht-karvaaen-registration-pm%2F