کامن ویلتھ گیمز

کامن ویلتھ گیمز، شجر عباس 200 میٹر دوڑ میں تمغہ جیتنے میں ناکام

پاکستانی سپرنٹر شجر عباس کامن ویلتھ گیمز 2022 میں مردوں کے 200 میٹر فائنل میں پاکستان کے لیے کوئی تمغہ نہیں جیت سکے۔

شجر نے فاصلہ 21.16 سیکنڈ میں طے کیا، جو ان کے لیے میڈل جیتنے کے لیے کافی نہیں تھا کیونکہ وہ 200 میٹر کے مقابلے میں آخری نمبر پر رہے۔

ٹرینیڈاڈ اینڈ ٹوباگو کے جیریم رچرڈز نے گولڈ میڈل جیتا جبکہ انگلینڈ کے زارنل ہیوز نے سلور اور گھانا کے جوزف پال اموہ نے کانسی کا تمغہ جیت کر تیسری پوزیشن حاصل کی۔

جمعہ کو، شجر نے فاصلہ طے کرنے کے لیے 20.89 کا وقت لگایا، ہیٹس میں تیسرے نمبر پر رہے اور فائنل کے لیے کوالیفائی کرنے کے لیے مجموعی طور پر ٹاپ آٹھ میں آئے تھے۔

واضح رہے کہ شجر کامن ویلتھ گیمز 2022 کے 200 میٹر کے فائنل میں جگہ بنانے والے واحد ایشین ایتھلیٹ تھے۔

مزید دیکھیں :   قائد اعظم ٹرافی، خیبرپختونخوا کے وقار احمد کی شاندار سنچری