پاکستان کرکٹ ٹیم تین ون ڈے میچوں کی سیریز کھیلنے کیلئے نیدرلینڈز پہنچ گئی ہے، پاکستان کرکٹ ٹیم آج صبح دبئی کے راستے بابر اعظم کی قیادت میں نیدرلینڈز روانہ ہوئی تھی
نیدرلینڈزکےخلاف 3 ون ڈےانٹرنیشنل میچز 16 ، 18 اور 21 اگست کو کھیلے جائیں گے جب کہ تمام ون ڈے میچز نیدر لینڈز کے شہر روٹر ڈیم میں ہوں گے۔
گزشتہ روز اس حوالے سے کی گئی پریس کانفرنس میں قومی ٹیم کے کپتان بابر اعظم کا کہنا تھا کہ نیدرلینڈز اور ایشیا کپ کے لیے جو بہترین ٹیم دستیاب تھی وہ ہم نے پاکستان کے لیے منتخب کی۔ قومی کپتان نے کہا کہ کوئی بھی ٹیم اپنے ہوم گراؤنڈ پر آسان نہیں ہوتی، ہم کسی ٹیم کو ہلکا نہیں لے رہے۔
