ویب ڈیسک: خیبر پختونخوا کے ضلع ٹانک میں پولیو ٹیم پر حملے میں سیکیورٹی پر مامور 2 پولیس اہلکار شہید ہو گئے۔
ضلع ٹانک میں تھانہ گومل کے علاقے کوٹ اعظم کی کچی آبادی میں شرپسندوں نے پولیو ٹیم پر حملہ کردیا، فائرنگ کے نتیجے میں ڈیوٹی پر مامور پولیس کانسٹیبل پیر رحمان اور نثار شہید ہوگیا۔
پولیس کی بھاری نفری جائے وقوعہ پر پہنچ گئی اور شہید اہلکاروں کی لاشیں ٹانک ہسپتال منتقل کردیں۔ملزمان فائرنگ کے بعد جائے وقوع سے فرار ہو گئے۔
پولیس اور سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔