ویب ڈیسک: جنوبی وزیرستان کے مختلف علاقوں میں تیز بارشوں اور سیلابی ریلوں نے تباہی مچادی۔ سپین تنائی میں سیلابی ریلہ گھروں میں داخل ہوگیا کئی مقامات، دکانیں منہدم اور کھڑی فصلیں تباہ ہوگئیں۔
تحصیل برمل کے علاقے غورلمہ میں دیوار گرنے سے 2 بچے جاں بحق ہو گئے۔ بارش اور سیلابی ریلوں سے متاثرہ علاقوں میں بجلی کی فراہمی معطل ہوگئی کئی جگہوں پر مواصلاتی نظام درہم برہم ہوگیا۔
رابطہ پل سیلابی ریلے میں بہہ جانے سے کئی علاقوں کا زمینی رابطہ منقطع ہو گیا جس کے باعث مقامی لوگوں کو آمدروفت میں دشواری کا سامنا ہے۔