ویب ڈیسک: سابق گورنر خیبرپختونخوا اورپی ٹی آئی کے رہنما شاہ فرمان فارنگ فنڈنگ کیس میں وفاقی تحقیقاتی ایجنسی (ایف آئی اے) میں پیش ہوئے۔ ایف آئی اے کی تحقیقاتی ٹیم نے شاہ فرمان کو 21 سوالوں پر مشتمل سوالنامہ دیا۔
ایف آئی اے حکام نے آج شاہ فرمان کو طلب کیا تھا۔ ایف آئی اے کی 3 رکنی ٹیم پی ٹی آئی کی فارن فنڈنگ کیس کی تحقیقات کررہی ہے۔
ایف آئی اے میں پیشی کے بعد میڈیا سے بات چیت کرتے ہوئے شاہ فرمان نے کہا کہ مجھے ایک اکاونٹ کھولنے سے متعلق ایف آئی اے دفتر بلایا گیا، صوبائی دفاتر کے اخراجات کے لئے یہ اکاؤنٹ کھولا گیا، پی ٹی آئی نے ریکارڈ پر لانے کے لئے اکاونٹ کھولا۔ شاہ فرمان کا کہنا تھا کہ جس بندے نے اس اکاونٹ میں پیسے ڈالے اسی بندے نے کیس دائر کیا ہے۔
گزشتہ 5 سال میں اس اکاؤنٹ میں صرف 20 لاکھ روپے آئے، اس اکاونٹ میں 45 ہزار روپے ماہانہ جمع ہوئے۔ ہم نے قوم کا پیسہ اکاؤنٹ میں جمع نہیں کیا۔
