ویب ڈیسک: وزیراعلی خیبرپختونخوا محمود خان نے سیلابی صورتحال سے بچنے کیلئے صوبے کے حساس مقامات پر حفاظتی بند اور فلڈ پروٹیکشن والز کی تعمیر کے لیے منصوبہ بندی کرنے کی ہدایت کر دی۔
وزیراعلیٰ خیبرپختوںخوامحمودخان کی زیرصدارت صوبے میں سیلابی صورتحال کے حوالے سے اجلاس ہوا۔ متعلقہ حکام نے وزیراعلیٰ محمود خان کو سیلاب صورتحال اور جاری امدادی کارروائیوں پر بریفنگ دی۔
اجلاس کے دوران وزیراعلیٰ محمود خان نے کہا کہ کوشش ہے کہ آئندہ کسی بھی سیلابی صورتحال میں نقصانات کم سے کم کر سکیں، سیلاب متاثرین کو حکومت کی نئی پالیسی کے مطابق مالی امداد فراہم کی جائے۔
وزیراعلیٰ محمودخان نے ضلعی انتظامیہ کو ہدایت جاری کرتے ہوئے کہا کہ امدادی اشیاء کی تقسیم میں شفافیت یقینی بنائی جائے، غیر مستحقین میں ریلیف اشیاء کی تقسیم برداشت نہیں کی جائے گی۔
