بلاول بھٹو کا ضمنی الیکشن ملتوی

بلاول بھٹو کا ضمنی الیکشن ملتوی کئے جانے کے اعلان پر مایوسی کا اظہار

عمران خان آخر کب تک لاڈلہ رہے گا؟ بلاول بھٹو کا ضمنی الیکشن ملتوی کئے جانے کے اعلان پر مایوسی کا اظہا، ملتان اور کراچی میں ہمارے امیدوار ضمنی الیکشن ملتوی ہونے پر مایوس ہیں۔
ویب ڈیسک: پاکستان پیپلز پارٹی (پی پی پی) کے چیئرمین اور وفاقی وزیر خارجہ بلاول بھٹو نے الیکشن کمیشن کی جانب سے ملک بھر میں قومی اور صوبائی سطح پر تمام ضمنی الیکشن ملتوی کرنے کے اعلان پر مایوسی کا اظہار کردیا۔
سماجی رابطے کی ویب سائٹ ٹوئٹر پر پیغام جاری کرتے ہوئے بلاول بھٹو زرداری نے لکھا کہ عمران خان آخر کب تک لاڈلہ رہے گا؟
ملتان اور کراچی میں پاکستان پیپلزپارٹی کے امیدوار ضمنی انتخابات کے اچانک التواء سے مایوس ہوئے ہیں، وہ طویل عرصے سے نمائندگی سے محروم اپنے حلقہ انتخابات میں خدمات سرانجام دینا چاہتے ہیں۔
وفاقی وزیر نے اپنے ٹوئٹ میں مزید لکھا کہ اس کی کوئی ضرورت نہیں تھی کہ بالکل آخری لمحات میں پی ٹی آئی کو انتخابات سے فرار کا راستہ مہیا کیا جاتا۔

مزید دیکھیں :   سیکورٹی خدشات،امریکہ کاپاکستان کاساتھ دینے کااعلان