ویب ڈیسک: وفاقی وزیر داخلہ رانا ثنا اللہ نے کہا ہے کہ اگر پنجاب اور پختونخوا کی اسمبلیاں توڑ بھی دی جائیں تو بھی وفاقی حکومت برقرار رہے گی، پنجاب میں ضمنی یا جنرل الیکشن ہوں تو ہم بہتر پوزیشن سے میں ہوں گے۔
لاہور میں میڈیا سے گفتگو کرتے ہوئے وزیرداخلہ راناثنااللہ کا کہنا تھا کہ دسمبر یا جنوری، جب بھی الیکشن ہوں گے نواز شریف آکر قیادت کریں گے، اگر پنجاب اور پختونخوا کی اسمبلیاں توڑ بھی دی جائیں تو بھی وفاقی حکومت برقرار رہے گی۔ انہوں نے دعویٰ کیا کہ پنجاب میں ضمنی یا جنرل الیکشن ہوں تو ہم بہتر پوزیشن سے میں ہوں گے۔
راناثنااللہ نے تحریک انصاف کے چیئرمین پر تنقید کرتے ہوئے کہا کہ ان کا بیانیہ کوئی پاپولر نہیں، یہ حکومت میں تھے تب بھی مہنگائی تھی۔ اس میں شک نہیں کہ ہم مہنگائی میں کمی نہیں لا سکے۔ ہم عمران خان کے دور حکومت کی تباہی کو کور کر رہے ہیں، ہم الیکشن میں لوگوں کو حقائق بتائیں گے۔
وزیرداخلہ راناثنااللہ نے کہا کہ میاں نواز شریف دسمبر یا جنوری، جب بھی الیکشن ہوں گے تو وہ آئیں گے اور الیکشن مہم کی قیادت خود کریں گے۔