اسلام اباد : وزیراطلاعات شبلی فراز نے آزادی صحافت کے عالمی دن کے سلسلے میں اپنے ٹویٹ پیغامات میں ایک آزاد اور ذمہ دارانہ صحافت کے فروغ کےلئے تمام ممکنہ سہولیات فراہم کرنے کا عزم ظاہر کیا۔
انہوں نے کہا ہے کہ تحریک انصاف کی حکومت آزادی اظہار رائے کے بنیادی آئینی اور قانونی حق پر پختہ یقین رکھتی ہے۔ اظہار رائے کی آزادی ایک مہذب جمہوری معاشرے کی بنیاد اور ہر انسان کا بنیادی حق ہے۔
شبلی فراز نے کہا کہ یوم آزادی صحافت پر قلم کی حرمت کے لیے لازوال قربانیاں دینے والے صحافیوں کو خراج تحسین پیش کرتا ہوں۔
