سمندر درجہ حرارت میں اضاف

سمندرکے درجہ حرارت میں ریکارڈاضافہ،آبی مخلوق خطرہ میں

ویب ڈیسک : ایک نئی تحقیق میں معلوم ہوا ہے کہ 2022 میں سمندر کے درجہ حرارت نے تاریخ رقم کرتے ہوئے 2021 میں بنایا گیا ریکارڈ توڑ دیا ہے۔ بین الاقوامی محقیقین پر مشتمل ایک ٹیم کے مطابق گزشتہ برس زمین کے سمندروںمیں10زیٹا جولز (1021 یا 10 کے آگے 21 صفر) کے برابر گرمائش کا اضافہ ہوا۔یہ مقدار کتنی بڑی ہے اس کا اندازہ اس بات سے لگایا جاسکتا ہے کہ یہ مقدار 70 کروڑ 1.5 لیٹر حجم والی کیتلیوں کو ایک سال تک ہر سیکنڈ ابالنے کے لیے کافی ہے یا یہ توانائی ایک سال میں عالمی سطح پر بننے والے بجلی سے 100 گُنا زیادہ ہے۔
ماہرین کا کہنا ہے کہ تحقیق کے نتائج یہ بتاتے ہیں کہ انسانی سرگرمیوں کے سبب خارج ہونے والی گرین ہائوس گیسز کی وجہ سے سمندر کس بری طرح متاثر ہوئے ہیں ۔ اس تحقیق میں دنیا بھر کے 16 اداروں کے 24سائنس دانوں کی جانب سے سمندروں کے متعلق مشاہدات پیش کیے گئے۔ یونیورسٹی آف پینسلوینیا سے تعلق رکھنے والے تحقیق کے مصنف پروفیسر مائیکل مین کے مطابق انسانوں کی خارج کردہ کاربن سے پیدا ہونے والی تپش کا بڑا حصہ سمندر جذب کر رہے ہیں۔ جب تک ہم نیٹ زیرو اخراج تک نہیں پہنچ جاتے یہ تپش جاری رہے گی اور ہم سمندر کے درجہ حرارت کے ریکارڈ توڑتے جائیں گے جیسے 2022 میں کیا گیا۔

مزید دیکھیں :   عدالتی حکم پر شیخ رشید اڈیالہ جیل منتقل