چیئرمین پی ٹی آئی عمران خان کا کہنا ہے کہ آصف زرداری شوق سے ہتک عزت کا دعویٰ کریں،آصف زرداری سے متعلق دیے گئے بیان پر قائم ہوں۔
ویب ڈیسک: تفصیلات کے مطابق چیئرمین پاکستان تحریک انصاف عمران خان نے لاہور میں سینئر صحافیوں سے ملاقات کے دوران گفتگو کرتے ہوئے کہا کہ آصف زرداری سے متعلق دیے گئے بیان پر قائم ہوں، آصف زرداری شوق سے ہتک عزت کا دعوی کریں، ہتک عزت کا دعوی وہ کرتے ہیں جن کی اپنی کوئی عزت ہوتی ہے۔
عمران خان کا کہنا تھا کہ اسمبلیاں تحلیل نہ کرتے تو عام انتخابات نہیں ہونے تھے، اسمبلیاں تحلیل ہوتے ہی حکومت بند گلی میں آ چکی ہے، اسمبلیاں تحلیل کرنا میری بہترین حکمت عملی تھی، 90 روز میں انتخابات نہ کرائے گئے تو آئین شکنی ہو گی۔
عمران خان نے مزید کہا کہ ٹھیک ہو کر انتخابی مہم کا آغاز کروں گا، ابھی میرا ایک اور میڈیکل چیک اپ ہونا ہے۔
