کوہاٹ میں المناک حادثہ میں انڈس ہائی وے پر ٹنل کے قریب وین اور ٹریلر میں ٹکر، تین خواتین اور دو بچوں سمیت 17 افراد جاں بحق ہو گئے۔
ویب ڈیسک: تفصیلات کے مطابق انڈس ہائی وے کوہاٹ ٹنل کے قریب تیزرفتار مسافر کوچ اور ٹرالر میں تصادم کے نتیجے بمیں تین خواتین اور دو بچوں سمیت 17 افراد جاں بحق ہوگئے۔
کوہاٹ میں المناک حادثہ انڈس ہائی وے پر کوہاٹ ٹنل کے قریب پیش آیا جہاں تیز رفتار ٹرالر مسافر کوچ پر چڑھ دوڑا، حادثے میں 12 مسافر موقع پر دم توڑ گئے، 6 زخمیوں کو ہسپتال منتقل کیا گیا جن میں سے 5 زخمی دوران علاج چل بسے، ہلاکتوں کی تعداد 17 ہوگئی۔
حادثے کی اطلاع ملتے ہیں ریسکیو ٹیموں نے موقع پر پہنچ کر امدادی کارروائیاں شروع کردیں، جاں بحق افراد میں خواتین اور بچے بھی شامل ہیں، جاں بحق افراد کی لاشوں اور زخمیوں کو ڈی ایچ کیو ہسپتال منتقل کردیا گیا۔
ریسکیو ٹیموں کے مطابق حادثے کے نتیجے میں دونوں گاڑیاں تباہ ہوگئیں، حادثہ ٹرالر کی بریک فیل ہونے کے سبب پیش آیا، جو مخالف سمت سے آنیوالی مسافر کوچ سے ٹکرا گیا، مسافر گاڑی لکی مروت سے پشاور جارہی تھی ۔
