پشاور: فنڈز کی منظوری انجنئیر عمر فاروق کی زیر صدارت زکواة و عشر کونسل کے 52 ویں اجلاس میں دی گئی
اجلاس میں گزارہ الاونس کی مد میں فنڈز کا حجم 60 فیصد سے بڑھا کر 68 فیصد کردیا گیا، صوبے میں گزارہ الاونس کی مد میں فی کس سالانہ ادائیگی 12 ہزار سے بڑھا کر 24 ہزار کردی گئی۔
گزارہ الاؤنس کے تحت صوبہ بھر میں 27 ہزار 767 مستحق خاندانوں کو سالانہ 24 ہزار روپے ادا کئے جائینگے۔انٹرمیڈیٹ کے طلباءوطالبات کے لئے سالانہ مالی معاونت 12 ہزار سے بڑھا کر 24 ہزار روپے، اور بی ایس پروگرام کے لئے مالی معاونت 24 ہزار سے بڑھا کر 36 ہزار روپے کردئے گئے.
دینی مدارس کے طلباء وطالبات کے لئے سالانہ مالی معاونت دور حدیث سے کم 12 ہزار سے بڑھا کر 24 ہزار اور دور حدیث سے اوپر درجوں کے لئے 24 ہزار سے بڑھا کر 36 ہزار کردئے گئے۔
اجلاس میں جہیز کی مد میں مالی معاونت کی رقم بھی 20 ہزار سے بڑھا کر 30 ہزار روپے کرنے کی منطوری دے دی گئی
