پاکستان ریلوے

پاکستان ریلوے کا 120 روز میں تین ٹرینیں اپ گریڈ کرنے فیصلہ

پاکستان ریلوے نے قراقرم ایکسپریس، کراچی ایکسپریس اور پاک بزنس ایکسپریس کو 120 دن میں اَپ گریڈ کرنے کا فیصلہ کر لیا۔
وفاقی وزیر ریلوے خواجہ سعد رفیق کی زیرِ صدارت اجلاس میں پاکستان ریلوے کی تین ٹرینوں قراقرم ایکسپریس، کراچی ایکسپریس اور پاک بزنس ایکسپریس کو 120 دن میں اَپ گریڈ کرنے کا فیصلہ کیا گیا، اجلاس میں فیصلہ کیا گیا ہے کہ خیبر میل اور جعفر ایکسپریس کی بھی بہتر مینٹیننس کی جائے گی۔
اجلاس کو بتایا گیا کہ بذریعہ ٹرین، ایران کو ہر ماہ 30 ہزار ٹن چاول بھیجنے کا معاہدہ تکمیل کے قریب ہے جبکہ ڈرائی پورٹس آمدن کو دو ارب روپے تک لے جانے کا ٹاسک ہے۔
اجلاس میں بلوچستان میں سیلاب سے متاثرہ ہرک برج کی بحالی پر پیش رفت کا جائزہ بھی لیا گیا۔
وزیر ریلوے کی طرف سے سبی اور تفتان ریلوے اسٹیشنوں کی اَپ گریڈیشن کے لیے پلان تیار کرنے جبکہ کوئٹہ اور زاہدان کے درمیان فریٹ سفری دورانیہ میں کمی کے لیے حکمت عملی تیار کرنے کی ہدایت بھی کی گئی

مزید پڑھیں:  سٹاک ایکسچینج میں تیزی،100انڈیکس67ہزار پوائنٹس کی حد چھونے لگا