دہشتگردی کے مقدمے میں اسلام آباد کی انسداد دہشتگردی کی عدالت نے پی ٹی آئی رہنما اسد عمر اور علی نواز اعوان سمیت 9 ملزمان کو کل طلب کرلیا۔
ویب ڈیسک: تفصیلات کے مطابق اسلام آباد کی انسداد دہشتگردی کی عدالت نے الیکشن کمیشن کے توشہ خانہ کیس کے فیصلے کے خلاف احتجاج پر درج دہشتگردی کے مقدمے میں پاکستان تحریک انصاف کے رہنما اسد عمر اور علی نواز اعوان سمیت 9 ملزمان کو کل عدالت میں طلب کیا ہے۔
عدالت نے تھانہ سنگجانی میں درج مقدمے میں شریک ملزمان کو کل طلبی کے نوٹس جاری کیے ہیں اور ایف آئی آر میں نامزد شریک ملزمان کوکل صبح 9 بجے حاضری یقینی بنانےکا حکم دیا ہے۔
