ویب ڈیسک: پشاور کے علاقہ خزانہ میں مسلح افراد نے ابابیل سکواڈ کے اہلکاروں پر حملہ کر دیا جس سے دو اہلکار زخمی ہوگئے۔ پولیس کے مطابق خزانہ کے علاقہ نا سا پہ میں ابابیل سکوا ڈ کے اہلکار اجمل اور عثمان معمول کی گشت پر تھے اس دوران نامعلوم افراد نے ان پر فائرنگ کردی جس سے دونوں اہلکار زخمی ہوگئے جبکہ جوابی کارروائی پر نامعلوم مسلح افراد فرار ہوگئے۔ دونوں زخمی اہلکاروں کو فوری طبی امداد کے لئے لیڈی ریڈنگ ہسپتال منتقل کر دیا گیا ہے جن کی حالت خطرے سے باہر بتائی جارہی ہے ۔ وقوعہ کی اطلاع پر پولیس افسر بھاری نفری کے ہمراہ جائے وقوعہ پہنچ گئی اور علاقہ کا محاصرہ کرکے سر چ آپریشن شروع کر دیا گیا تاہم آخری اطلاعات تک کسی قسم کی گرفتاری عمل میں نہیں لائی جا سکی۔
