سیری اے لیگ میں ناپولی کی ٹیم کی فتح کے بعد جشن منانے کا سلسلہ جاری رہا تاہم خوشی کے اس موقع پر ایک شخص زندگی کی بازی ہار گیا جبکہ 200 افراد زخمی ہو کر ہسپتالوں میں پہنچ گئے ہیں۔ میڈیا رپورٹس کے مطابق جنوبی اطالوی شہر نیپلز میں جشن کی رات گولیاں لگنے سے زخمی ہونے والا شخص ہسپتال میں جان کی بازی ہار گیا۔ جنوبی اطالوی شہر میں فائرنگ کے اسی واقعے میں تین دیگر افراد زخمی بھی ہوئے ہیں۔ پولیس کے مطابق یہ ابھی تک واضح نہیں ہے کہ آیا یہ گولیاں فٹ بال کی تقریبات کے ایک حصے کے طور پر چلائی گئیں، یا یہ مجرمانہ سرگرمی تھی۔ ایک اخبار نے دعویٰ کیا ہے کہ متاثرہ شخص، جو ہسپتال لے جانے کے بعد دم توڑ گیا، کا تعلق مقامی مافیا سے تھا۔ پولیس تفتیش کر رہی ہے۔ میڈیا رپورٹس کے مطابق تقریبات کے دوران لگنے والی چوٹوں کی وجہ سے 200 سے زیادہ لوگ راتوں رات ہسپتال میں داخل ہوئے، چاقو کے زخموں سے لے کر پٹاخوں سے جلنے تک اور شعلوں سے اٹھنے والے دھوئیں کی وجہ سے دمہ کے دورے۔ گزشتہ روز ناپولی نے یوڈینازے کے خلاف فائنل میں 1-1 سے میچ برابر کرنے کے بعد پوائنٹس کی بنیاد پر فتح حاصل کی تھی۔
