ملیکہ-بخاری

علی محمدخان اور ملیکہ بخاری کی نظر بندی کالعدم، فوری رہائی کا حکم

اسلام آباد ہائیکورٹ نے پی ٹی آئی رہنما ملیکہ بخاری اور علی محمد خان کی نظر بندی کالعدم قرار دیتے ہوئے رہائی کا حکم دے دیا۔
اسلام آباد ہائیکورٹ کے جسٹس میاں گل حسن اورنگزیب نے ملیکہ بخاری اور علی محمد خان کی نظربندی کے خلاف دائر درخواست پر سماعت کی۔
عدالت نے پی ٹی آئی کے دونوں رہنماؤں کی ایم پی او کے تحت نظربندی کالعدم قرار دیتے ہوئے ان کی فوری رہائی کے احکامات جاری کردیے ۔
تحریک انصاف کے دونوں رہنماؤں پر 3 ایم پی او کے تحت مقدمات درج ہیں۔
واضح رہے کہ چیئرمین پی ٹی آئی عمران خان کی گرفتاری کے بعد پولیس نے تحریک انصاف کے متعدد رہنماؤں کو نقص امن کے خدشے کے پیش نظر حراست میں لیا تھا جن میں اسد عمر اور شاہ محمود قریشی بھی شامل ہیں۔

مزید پڑھیں:  فوجی عدالتوں کو محفوظ شدہ فیصلے سنانے کی مشروط اجازت