ویب ڈیسک:سابق وزیراعظم و پاکستان تحریک انصاف کے چیئرمین عمران خان نے دوبارہ گرفتاری کی صورت میں کارکنوں سے ہنگامہ نہ کرنے کی اپیل کی ہے۔ اپنے بیان میں عمران خان کا کہنا تھاکہ دوبارہ گرفتار کیا جاں تو کارکن ہنگامہ نہ کریں، کارکنوں نے ہنگامہ کیا تو پی ڈی ایم کو بیانیہ ملے گا اور کارکنوں کے ہنگامے کو حکومت کریک ڈائون کیلئے استعمال کرے گی۔
انہوں نے کہا کہ پی ٹی آئی کی مقبولیت سے خوفزدہ حکومت بد امنی کو کریک ڈائون کیلئے استعمال کرے گی، تمام سروے بتا رہے ہیں کہ پی ٹی آئی دو تہائی اکثریت سے جیتے گی، کامیابی کی پیشگوئیاں دیکھ کر حکومت پی ٹی آئی کو کرش کرنا چاہتی ہے۔ان کا کہنا تھاکہ پتہ چل گیا تھا قمر جاوید باجوہ میری حکومت ختم کرنے جارہا ہے، چاہتا تو باجوہ کو بطور آرمی چیف برطرف کرسکتا تھا، باجوہ کو اس لیے نہیں ہٹایا کہ فوج کے معاملات میں مداخلت نہیں چاہتا تھا، فوج وہ ادارہ ہے جس میں آپ مداخلت نہیں کرتے۔خیال رہے کہ اپنے انٹرویو میں عمران خان نے کہا ہے کہ مجھے 80 فیصد یقین ہے منگل کو عدالت پیشی پر گرفتار کر لیا جائے گا۔
