اسلام اباد : وزیرتعلیم اور پیشہ وارانہ تربیت کے وزیرشفقت محمودنے کہا ہے کہ قومی احتساب بیورو ایک آزاد ادارے کے طورپر سیاسی اثرورسوخ سے بالاتر ہوکر معاشرے سے بدعنوانی کے خاتمے کے لئے موثر انداز میں کام کررہاہے، اس ضمن میں نیب کے اقدامات قابل ستائش ہیں،
ایک نجی نیوزچینل سے گفتگو کرتے ہوئے انہوں نے کہا کہ نیب سیاسی جماعتوں کی اہم شخصیات کے خلاف بدعنوانی کے مقدمات کی تحقیقات کر رہا ہے اور اس میں نیب نے کافی پیش رفت بھی کی ہے
انہوں نے کہا کہ حکومت کسی کے خلاف غلط مقدمات درج نہیں کر رہی اور نہ ہی لٹیروں اوربدعنوانوں کو رعایت دینے کے لئے اختیارات کااستعمال کررہی ہے۔ انہوں نے کہاکہ پاکستان تحریک انصاف کی حکومت ملک سے بدعنوانی کے خاتمے کے لئے پہلے دن سے اپنے وعدے کی تکمیل کے لئے پُرعزم ہے۔
