آرمی چیف دورہ

آرمی چیف کا ٹلہ فیلڈ فائرنگ رینجز کا دورہ، جنگی مشقوں کا معائنہ

ویب ڈیسک: انٹر سروسز پبلک ریلیشنز (آئی ایس پی آر) کے مطابق آرمی چیف جنرل سید عاصم منیر نے جہلم کے قریب ٹلہ فیلڈ فائرنگ رینجز کا دورہ کیا اور اس دوران فیلڈ فائر اور جنگی مشقوں کا مشاہدہ بھی کیا۔
پاک فوج کے شعبہ تعلقات عامہ کے مطابق کور کمانڈر 4 کور لیفٹیننٹ جنرل سید عامر رضا نے آرمی چیف کا استقبال کیا، آرمی چیف نے فیلڈ فائر اور جنگی مشقوں کا مشاہدہ کیا، سپہ سالار کو مشق کے لیے طے شدہ تربیتی مقاصد کے بارے میں بریفنگ دی گئی۔
آئی ایس پی آر کے مطابق آرمی چیف نے مختلف آپریشنل مشقوں کو انجام دینے میں فضائیہ، آرمی ایوی ایشن اور زمینی دستوں کی طرف سے ظاہر کردہ ہم آہنگی کو سراہا۔
آرمی چیف جنرل سید عاصم منیر نے فوجیوں کی جنگی مہارت اور جارحانہ جذبے کی تعریف کی، آرمی چیف نے فوجیوں کے بلند حوصلے اور جنگی صلاحیتوں کو بھی سراہا۔

مزید پڑھیں:  ٹانک سے سراغ رساں ٹیم کے 5اہلکاروں کو اغوا کر لیا گیا