ویب ڈیسک: سعودی وزارت خارجہ کی جانب سے اسرائیلی فورسز کے مسجد اقصیٰ پر دھاوا بولنے پر شدید احتجاج کرتے ہوئے مذمت کا اظہار کیاگیا ہے۔ سعودی وزارت خارجہ کی جانب سے جاری بیان میں کہا گیا ہے کہ اسرائیلی فورسز کا مسجد اقصیٰ پر حملہ آور ہونا امت مسلمہ کے جذبات کو مجروح کرنا ہے اور اسرائیل بین الاقوامی قوانین سمیت معاہدوں کی کھلی خلاف ورزی کر رہا ہے۔
سعودی وزارت خارجہ نے اسرائیلی مسلح فورسز کے اقدام کو غیر قانونی اور غیر اخلاقی قرار دیتے ہوئے عالمی برادری سے مطالبہ کیا ہے کہ وہ مسجد اقصیٰ پر اسرائیلی جارحیت کو ختم کروائے اور فلسطینی عوام کے تحفظ کو یقینی بنائے۔
