ویب ڈیسک: صوبائی دارالحکومت پشاور میں گزشتہ روز ہونے والے ایم ڈی کیٹ ٹیسٹ میں نیا موڑ آ گیا، ٹیسٹ سے قبل مشکوک رجسٹریشن پر 9 امیدواروں کی گرفتاری کا انکشاف ہوا ہے۔ ذرائع کے مطابق 9 مشکوک امیدواروں نے ٹیسٹ سے قبل ایک ہی موبائل فون نمبر سے رجسٹریشن کی تھی، ٹیسٹ کیلئے 46 سالہ شخص کی رجسٹریشن کا بھی انکشاف سامنے آیا ہے۔
ذرائع نے بتایا کہ ایٹا نے ٹیسٹ میں نقل کی منصوبہ بندی سے متعلق تمام کمشنرز کو پہلے ہی آگاہ کیا تھا۔ ایٹا نے بتایا تھا کہ سوشل میڈیا پر ٹیسٹ آؤٹ کرنے کی خبریں زیر گردش ہیں۔
یاد رہے کہ خیبرپختونخوا میں منعقدہ ایم ڈی کیٹ ٹیسٹ کے دوران بلیو ٹوتھ کے ذریعے نقل اور پیپر لیک ہونے کا سکینڈل سامنے آیا تھا جس کی وجہ سے عدالت نے مداخلت کرتے ہوئے ٹیسٹ کے جتائج ڈسپلے کرنے سے انتظامیہ کو روک دیا تھا۔
