ویب ڈیسک: جاپان میں بزرگ شہریوں کی تعداد میں ریکارڈ اضافہ ہوگیا ہے۔ ماہرین کے مطابق ہر 10 میں سے ایک جاپانی شہری کی عمر 80 سال سے زائد ہوگئی۔ سرکاری ڈیٹا کے مطابق پہلی مرتبہ 10 فیصد سے زائد جاپانی 80 سال سے زائد عمر کے ہوچکے ہیں۔ سرکاری ڈیٹا میں بتایا گیا ہے کہ 2040 تک جاپان کی بزرگ آبادی 34اعشاریہ 8 فیصد تک پہنچنے کا امکان ہے جبکہ حالیہ اعداد و شمار کے مطابق جاپان میں 65 یا اس سے زائد عمرکی آبادی 29اعشاریہ 0 سے بڑھ کر ریکارڈ 29اعشاریہ 1 فیصد ہوگئی ہے۔
واضح رہے کہ دنیا بھرمیں جاپان کی بزرگ آبادی کاحصہ سب سے زیادہ ہوگیا ہے۔ جاپان میں نوجوانوں کی غیر مستحکم ملازمتوں اور معاشی مشکلات کی وجہ سے شادی اور بچوں میں تاخیر کے باعث آبادی میں کمی اور بزرگ شہریوں کی تعداد میں اضافہ دیکھا جا رہا ہے۔
