ویب ڈیسک: ایران کے صدر ابراہیم رئیسی نے نیویارک میں میڈیا سے بات چیت کرتے ہوئے کہا کہ پانچ امریکی شہریوں کی رہائی مکمل طور پر ایک انسانی ہمدردی کا معاملہ ہے، مستقبل میں بھی امریکا اور ایران انسانی ہمدردی کی بنیادوں پر ایسے اقدام اٹھائیں گے۔ واضح رہے کہ امریکا اور ایران نے قطر کی ثالثی میں ہونے والے معاہدے کے تحت ایک دوسرے کے پانچ پانچ قیدی رہا کیے ہیں، معاہدے کے تحت امریکا نے جنوبی کوریا میں منجمد ایران کے 6 ارب ڈالر کے اثاثے بھی بحال کر دیئے ہیں۔
