ویب ڈیسک: عوام پر مزید 33 ارب کا بوجھ ڈالنے کی تیاری، تفصیلات کے مطابق پیٹرولیم مصنوعات اور بجلی کے بلوں میں اضافے کے ستائے عوام پر مزید 33 ارب روپے کا بوجھ ڈالنے کی تیاری کر لی گئی ہے۔ سینٹرل پاور پرچیزنگ ایجنسی نے فیول پرائس ایڈجسٹمنٹ کے ذریعے بجلی 1 روپے 83 پیسے مہنگی کرنے کی درخواست نیپرا میں جمع کرا دی گئی۔
ذرائع کے مطابق درخواست اگست کی فیول پرائس ایڈ جسٹمنٹ کیلئے دی گئی ہے، درخواست میں کہا گیا ہے کہ اگست میں 15 ارب 47 کروڑ یونٹ بجلی ڈسکوز کو فراہم کی گئی۔ نیپرا 27 ستمبر کو درخواست کی سماعت کے بعد فیصلہ کرے گی.
درخواست منظور ہونے پر بجلی صارفین پر 33ارب روپے سے زیادہ کا بوجھ پڑے گا۔ ذرائع کے مطابق درخواست منظوری کی صورت میں کے الیکٹرک صارفین پر اطلاق نہیں ہو گا۔
یاد رہے کہ بجلی مزید 1 روپے 83 پیسے مہنگی گرنے کی درخواست جمع کرا دی گئی ہے۔
