ویب ڈیسک: عالمی منڈی میں خام تیل کی بڑھتی قیمتوں کا سلسلہ رک گیا، تیل کی فی بیرل قیمت 100 ڈالر کی جانب بڑھ رہی تھی۔ ذرائع کے مطابق عالمی مارکیٹ میں خام تیل کی قیمتیں دس ماہ کی بلند ترین سطح سے نیچے آ گئی ہیں۔
عالمی بینچ مارک میں برینٹ کروڈ فیوچر کی قیمت تقریباً ایک ڈالر کمی کے بعد 93اعشاریہ 33 ڈالر فی بیرل ہو گئی ہے جو گزشتہ روز 93 اعشاریہ 54 فی بیرل تھی۔ اس سے قبل برینٹ کروڈ کی فی بیرل قیمت تقریباً 96 ڈالرتک پہنچ گئی تھی۔
یو ایس ویسٹ ٹیکساس انٹرمیڈیٹ کروڈ فیوچر کی قیمت گزشتہ روز 93 اعشاریہ 74 ڈالر فی بیرل کی 10 ماہ کی بلند ترین سطح تک پہنچنے کے بعد 0 اعشاریہ 8 فیصد یا 75 سینٹ کم ہوکر 90 اعشاریہ 45 ڈالر فی بیرل ہوگئی۔
عالمی منڈی میں مجموعی طور پر خام تیل کی قیمتوں میں اضافے کا رجحان ہے،ایک جانب چین میں تیل کی طلب بڑھ رہی ہے تو سعودی عرب اور روس کی جانب سے تیل کی پیداوار میں کٹوتی کی گئی ہے۔ ان عوامل کی وجہ سے جون سے اب تک تیل کی قیمت میں تیس فیصد اضافہ ہوا ہے۔
