ویب ڈیسک: وزارت خزانہ کی جانب سے نومبر میں آئی ایم ایف کے جائزے میں وفاقی اور صوبائی بجٹ 24-2023 پر نظر ثانی کا فریم ورک پیش کیا جائے گا۔ بتایا گیا ہے کہ ستمبر 2023 کے آخر میں گیس کی قیمتوں پر نظر ثانی کر کے یکم اکتوبر 2023 سے اطلاق کرنے کی تجویز ہے،
بتایا گیا ہے کہ غریب اور متوسط طبقے کے 60 فیصد گھر یلو صارفین کیلئے گیس کی قیمت میں 500 سے 600 روپے فی ایم ایم بی ٹی یو اضافے کی تجویز ہے۔
بقیہ 40 فیصد صارفین کیلئے گیس ایک ہزار سے 1500 روپے فی ایم ایم بی ٹی یو مہنگی کرنے کی تجویز زیر غور ہے۔
یاد رہے کہ یکم جنوری 2024 کو ڈیزل پر پٹرولیم لیوی کو 50 سے بڑھا کر 60 فیصد کیا جائے گا۔
