ویب ڈیسک: پاکستان کو کوہ پیمائی میں ایک اور اعزاز مل گیا، 8 ہزار 163 میٹر بلد مناسلو پہاڑ سر کر کے پاکستانی خاتون کوہ پیمانائلہ کیانی پہلی پاکستانی خاتون بن گئیں۔ نیپال میں واقع ماؤنٹ مناسلو دنیا کی آٹھویں بلند چوٹی ہے جسے نائلہ کیانی نے 14 گھنٹوں میں سر کیا، انہوں نے گزشتہ شام 6 بجے کیمپ ٹو سے سمٹ کی جانب پیش قدمی شروع کی تھی اور آج صبح سوا 7 بجے مناسلو کے ٹاپ پر پہنچیں۔
نائلہ کیانی 8 ہزار میٹر سے بلند 9 چوٹیاں سر کرنے والی پہلی پاکستانی خاتون کوہ پیماہیں، اس سے قبل ماؤنٹ ایوریسٹ، کے ٹو، نانگا پربت، جی ون، جی ٹو، اناپورنا، لوٹسے اور براڈ پیک سر کرنا بھی ان کے ریکارڈ پر ہے۔
نائلہ کیانی نے اس سیزن میں چین کی چوایو اور شیشاپنگما بھی سر کرنے کا اعادہ کیا ہے جبکہ ان کی توجہ 8 ہزار میٹر سے بلند تمام 14 چوٹیاں سر کرنے پر مرکوز ہے۔
