ویب ڈیسک: حکومت کی جانب سے بجلی مزید 1 روپے 83 پیسے مہنگی کرنے کی تیاری جاری ہے جس سے صارفین پر 33 ارب روپے کا اضافی بوجھ پڑے گا۔ ذرائع کے مطابق فیول پرائس ایڈجسٹمنٹ کی مد میں بجلی 1 روپے 83 پیسے فی یونٹ مزید مہنگی کرنے کی درخواست نیپرا میں جمع کرا دی گئی۔
نیپرا سینٹرل پاور پرچیزنگ ایجنسی (سی پی پی اے) کی اگست کی فیول ایڈجسٹمنٹ کی درخواست پر سماعت کرے گا۔ درخواست کے مطابق اگست میں 15 ارب 47 کروڑ یونٹ بجلی ڈسکوز کو فراہم کی گئی۔
درخواست منظور ہونے کی صورت میں صارفین پر 33 ارب روپے اضافی بوجھ پڑے گا۔ ذرائع کے مطابق کے الیکٹرک صارفین پر بجلی کی قیمت میں اضافے کا اطلاق نہیں ہو گا۔
