ویب ڈیسک: ملک میں دہشتگردوں کیخلاف کارروائیاں تیز، ذرائع کے مطابق سی ٹی ڈی نے انتہائی مطلوب دہشتگردوں کے سر کی قیمت سمیت گرفتاری کے لیے اشتہار جا ری کر دیا، ذرائع کے مطابق انتہائی مطلوب دہشت گردوں کی اطلاع دینے والے افراد کا نام پوشید ہ رکھا جا ئے گا۔
ذرائع کے مطابق پشاور سمیت خیبر پختونخوا میں اس وقت 135 دہشت گرد سی ٹی ڈی کو مطلوب ہیں جن کی گرفتاری کیلئے باقاعدہ کارروائی کا آغاز کر دیا گیا ہے۔ سی ٹی ڈی کی جانب سے جاری کردہ اشتہار میں دہشت گردوں کے سر کی قیمت 3لاکھ روپے سے دس کروڑ روپے تک رکھی گی ہے۔
مطلوب دہشتگرد جلال الدین، محمد آصف خان، آصف صدیقی، محمد فیاض، انعام قاری، الطاف حسین اور محمد رضوان، دہشت گرد شہکار دن بھٹی، واجد خان، نیاز محمد، نقاب خان، کلیم خان، زارف سعید، یاسر الیاس اور محمد کاشف کے سر کی قیمت تین، تین لاکھ روپے مقرر کی گئِی ہے۔
دہشت گرد حمزہ علی،عالم زیب،مفتی سجاد،عزیر الرحمان،عمران ستارکے سر کی قیمت پانچ لاکھ روپے رکھی گئی ہے، انتہا ئی مطلوب دہشت گرد ماجد زبیر، محمد رمضان کامران، محمد سبحان، رحمت اللہ خان اور فضل حلیم کے سر کی قیمت ایک کروڑ روپے مقرر کی گئی ہے۔
ان کے علاوہ دہشتگرد محمد صادق اور محمد یوسف کے سر کی قیمت دو، دو کروڑ، محمد آصف صدیق تین کروڑ، حمزہ علی، مولانا خالد اور محمد عمران کے سر کی قیمت پانچ ، پانچ کروڑ، سیف الر حمان کے سر کی قیمت 8کروڑ جبکہ عزیرا لرحمان کے سر کی قیمت 10کروڑ روپے مقرر کی گئی ہے۔ یاد رہے کہ سی ٹی ڈی کی جانب سے دہشتگردوں کیخلاف کارروائیاں تیز کر دی گئی ہیں۔
