ویب ڈیسک: پاکستان میں غیرقانونی طور پر مقیم افغان شہریوں کے خلاف ایکشن کی تیاری کرلی گئی۔ پاکستان میں قومی شناختی کارڈ بنانے والے ادارے نادرا نے افغانستان سے آنے والوں کے لیے رفیوجی کارڈ بنانا بند کر دیے ہیں۔
ترجمان نادرا کا کہنا ہے کہ رفیوجی کارڈ کی بندش کے بعد اب کوئی بھی نیا افغان مہاجر کے طور پر رجسٹر نہیں ہو سکتا۔ ترجمان کے مطابق جن افغانیوں کے پاس رفیوجی کارڈزتھے، ان کی توثیق بھی بند کر دی گئی ہے جو پہلے ہی مارچ سے بند کردی گئی تھی۔
اپیکس کمیٹی کے اجلاس میں پاکستان سے غیر قانونی طور پر مقیم تمام غیرملکیوں کو ملک بدر کرنے اور ان کی جائیدادیں قرق کرنے کا فیصلہ کیا گیا تھا، ڈیڈلائن ختم ہونے پر غیرملکیوں کی جائیدادیں قرق کی جائیں گی۔
