اسلام آباد :مسلم لیگ نون کے رہنما خواجہ آصف کی میڈیا سے بات چیت، خواجہ آصف کا کہنا تھا کہ اب روزانہ 2ہزار کی تعداد سے کورونا کیسز بڑھ رہے ہیں.دنیا میں جس طرح ڈیڑھ دو مہینے مکمل لاک ڈاؤن کیا گیا وہاں حالات آہستہ آہستہ معمول پہ آنا شروع ہوگئے ہیں.
خواجہ آصف کا مزید کہنا تھا کہ جیسے جیسے وقت گزر رہا ہے دنیا نئے تجربات سے سیکھ رہی ہے لیکن ہمارے ملک میں اجلاس بھی بلایا گیا لیکن افسوس کے ساتھ وہاں قومی یکجہتی کا فقدان دیکھنے کو ملا.
خواجہ آصف کا مزید کہنا تھا کہ جب وزیراعظم پارلیمنٹ کو اہمیت نہ دے اس کی تحقیر کرے پھر ادارے بے اثر ہوجاتے ہیں.اس اجلاس میں ثابت ہوا ہے کہ حکومت پارلیمنٹ کی بے توقیری کررہی ہے.
