ویب ڈیسک: غیر قانونی طور پر مقیم تمام غیر ملکیوں کو پاکستان چھوڑنے میں صرف ایک دن باقی رہ گیا ہے۔ ذرائع کے مطابق حکومت پاکستان کی جانب سے تمام غیر ملکیوں کو 31 اکتوبر تک پاکستان سے نکل جانے کی ڈیڈ لائن دی گئی تھی جس میں وزارت داخلہ کی جانب سے کوئی توسیع نہ کرنے کا دو ٹوک موقف ظاہر کیا جا رہا ہے۔
اس لحاظ سے یہ کہنا بجا ہوگا کہ پاکستان میں مقیم غیر قانونی غیر ملکیوں کو دی گئی مہلت میں آخری 1 دن باقی رہ گیا ہے۔ ذرائع کے مطابق سیکیورٹی فورسز کے ذریعے ملک میں بڑے پیمانے پر میپنگ، جیو فینسنگ کے ذریعے مشکوک افراد کی نشان دہی کر لی گئی ہے۔
ذرائع کے مطابق 31 اکتوبر کے بعد پاکستان میں مقیم غیر قانونی غیر ملکیوں کی منقولہ اور غیر منقولہ جائیدادوں کو ضبط کر لیا جائے گا۔
یکم نومبر کے بعد غیر قانونی طور پر مقیم افراد کو ڈی پورٹ کرنے کا حتمی فیصلہ اور اس میں کوئی توسیع نہیں دی جائے گی۔
