ویب ڈیسک: ترجمان پینٹاگون جنرل پیٹرک رائیڈر نے کہا کہ مشرق وسطیٰ میں مزید 300 فوجی بھیجیں گے، مشرق وسطیٰ میں امریکی فوجیوں کے دفاع کو یقینی بنائیں گے، اکتوبر میں عراق اور شام میں امریکی فوجیوں پر27 حملے ہوئے۔
دوسری جانب غزہ میں اسرائیلی بمباری سے زخمی ہونے والے فلسطینیوں کیلئے آج رفاہ بارڈر کھول دیا جائے گا۔ ذرائع کے مطابق ترجمان امریکی دفتر خارجہ میتھیوملر نے رفاہ کراسنگ کھولنے سے متعلق کہا کہ غزہ کے زخمیوں کیلئے آج رفاہ بارڈر کھول دیا جائے گا۔
میتھیو ملر نے مزید کہا کہ غزہ کے زخمی مصر میں اپنا علاج کرا سکیں گے، امریکا چاہتا ہے رفاہ کی راہداری کھلی رہے تاکہ امریکی اور دوسرے غیر ملکی بھی آ جا سکیں۔
