ویب ڈیسک: ملکی سالمیت اور نوجوانوں کے محفوظ مستقبل کے لیے نگران حکومت، سیکیورٹی فورسز اور عسکری قیادت کی جانب سے سخت اقدامات لینے کا فیصلہ کیا گیا ہے۔ اس سلسلے میں حکومتی ایماء پر ستمبر سے ملک بھر میں منشیات فروشوں کے خلاف آپریشن کا آغاز کر دیا گیا ہے۔
ذرائع کے مطابق 22 سے29 اکتوبر تک کے اعداد و شمار کے مطابق ملک بھر سے تقریباً 1079 کلو منشیات برآمد ہو چکی ہیں جبکہ ان کارروائیوں کے سلسلے میں 45 سے زائد گرفتاریاں بھی عمل میں لائی گئی ہیں۔
آپریشن کے دوران پنجاب سے 40، بلوچستان سے 507، خیبر پختونخوا سے 151، نارتھ سے 42 اور سندھ سے 338 کلو منشیات برآمد کی گئی ہے۔
منشیات فروشوں کے خلاف آپریشن میں پنجاب سے 14, سندھ سے 10 ، بلوچستان سے 3 ، نارتھ سے 11 اور خیبرپختونخوا سے7 گرفتاریاں عمل میں لائی گئیں۔
