ویب ڈیسک: سابق خاتون اول بشریٰ بی بی کی عبوری ضمانت میں 28 نومبر تک توسیع کر دی گئی۔ ذرائع کے مطابق ڈسٹرکٹ اینڈ سیشن کورٹس اسلام آباد میں بشری بی بی کی توشہ خانہ کیس اور چیئرمین پی ٹی آئی کی 6 مقدمات میں ضمانت کی درخواست ک ی سماعت ایڈیشنل ڈسٹرکٹ اینڈ سیشن جج طاہر عباس سپرا نے کی۔
اس موقع پر سابق خاتون اول بشریٰ بی بی کے وکیل خالد یوسف چودھری ایڈووکیٹ عدالت میں پیش ہوئے جبکہ چیئرمین پی ٹی آئی کو عدالت میں پیش نہیں کیا گیا اور سابق وزیراعظم کی پیشی سے متعلق رپورٹ بھی پیش نہ کی جا سکی۔
بعدازاں عدالت نے چیئرمین پی ٹی آئی کی 6 مقدمات میں ضمانت کی درخواست پر سماعت 28 نومبر تک ملتوی جبکہ بشریٰ بی بی کی توشہ خانہ کیس میں عبوری ضمانت میں بھی 28 نومبر تک توسیع کر دی گئی۔
