ویب ڈیسک: ضلع ٹانک کے علاقے تھانہ صدر کی حدود وزیر آباد میں مسلح افراد کی فائرنگ سے پولیس اہلکار جاں بحق ہوگیا۔
ڈی پی او ٹانک افتخار شاہ نے واقعے کی تصدیق کرتے ہوئے بتایا کہ تھانہ صدر کی حدود وزیر آباد میں شریف الدین نامی پولیس اہلکار ٹانک شہر کی طرف آ رہے تھے کہ راستے میں نامعلوم موٹرسائیکل سواروں نے اہلکار کو فائرنگ کا نشانہ بناکر قتل کردیا۔
افتخار شاہ نے بتایا کہ لاش کو پوسٹ مارٹم کے لئے سول ہسپتال ٹانک منتقل کردیا گیا جبکہ پولیس نے علاقے میں ملزمان کی تلاش کے لئے سرچ آپریشن شروع کردیا لیکن تاحال کسی قسم کی گرفتاری عمل میں نہیں آسکی۔
