ویب ڈیسک: سائفر کیس میں وائس چیئرمین پی ٹی آئی اور سابق وزیر خارجہ شاہ محمود قریشی کی ضمانت مسترد کرنے کا 10 صفحات پر مشتمل تفصیلی فیصلہ چیف جسٹس اسلام آباد ہائیکورٹ جسٹس عامر فاروق نے جاری کر دیا۔
عدالتی فیصلے میں کہا گیاہے کہ جرم پر ابھارنے، جرم کی سازش یا معاونت کرنے والے کو مرکزی مجرم ہی کی طرح دیکھا جائے گا۔
عدالتی فیصلے کے مطابق چیئرمین پی ٹی آئی پر لگی دفعات میں عمر قید، سزائے موت ہے۔ شاہ محمود قریشی کو اسی تناظر میں دیکھا جائے گا۔ بلا شبہ عمر قید یا سزائے موت کے ملزمان کو عدالتیں ضمانت دیتے ہوئے احتیاط سے کام لیتی ہیں۔ اس قسم کے کیسز میں جب تک معقول وجہ موجود نہ ہو ضمانت نہیں دی جا سکتی۔
اسلام آباد ہائی کورٹ کے تفصیلی فیصلے میں مزید کہا گیا ہے کہ ٹرائل پہلے ہی شروع ہے، مناسب بیلنس ٹرائل کورٹ جلد ٹرائل مکمل کرنے کی ہدایت سے ہی حاصل ہو سکتا۔ 248 کا استثنیٰ صرف آفیشل ڈیوٹی کے لیے ہے۔
شاہ محمود قریشی پر 27 مارچ کے جلسے میں تقریر کا جو الزام ہے وہ آفیشل ڈیوٹی میں نہیں آتا۔ فیصلے کے مطابق عدالت ضمانت مسترد کر کے ہدایت کرتی ہے کہ ٹرائل کو 4 ہفتوں میں مکمل کیا جائے۔
