ویب ڈیسک: آشیانہ ریفرنس میں شہباز شریف سمیت 10 ملزمان کی بریت کا فیصلہ سنا دیا گیا۔ ذرائع کے مطابق مسلم لیگ نون کے صدر اور سابق وزیراعظم شہباز شریف سمیت 10 ملزمان کو بری کردیا گیا۔
آشیانہ ریفرنس میں 13ملزمان کی احتساب عدالت میں بریت کی درخواستوں پر سماعت ہوئی۔ اس موقع پر اٹارنی جنرل اور نیب نے اپنی رپورٹس پیش کیں۔ نیب پراسکیوٹر کا کہنا تھا کہ سپریم کورٹ کا فیصلہ موجودہ کیس پر اثرانداز نہیں ہوتا .
عدالت نے کہا کہ بریت کی درخواستوں پر 2 گھنٹے تک فیصلہ دوں گا۔ بعدازاں عدالت نے شہباز شریف سمیت 10 ملزمان کی بریت درخواستوں پر فیصلہ سنایا، عدالت نے فواد حسن فواد ، شاہد شفیق سمیت دس ملزمان کی بریت کی درخواستیں منظور کر لیں۔
بری ہونے والے ملزمان میں شہباز شریف، فواد حسن فواد، احد خان چیمہ، امتیاز حیدر، بلال قدوائی، شاہد محمود، منیر ضیاء،علی سجاد، محمد صدیق، شاہد شفیق، ندیم ضیاء اور کامران کیانی شامل تھے۔ نیب نے 2018 میں آشیانہ ریفرنس دائر کیا تھا۔
